Kasafin 2025: Karamar Hukumar Soba Ta Ware Naira Miliyan 205 Don Siyan Motoci Ga Shugabanta Da Mataimakinsa

Karamar Hukumar Soba da ke Jihar Kaduna ta bayyana cewa za ta kashe Naira miliyan 205 don siyan motoci ga Shugaban Karamar Hukumar da Mataimakinsa a kasafin kudin shekarar 2025. Wannan na daga cikin kasafin kudin kananan hukumomin Jihar Kaduna na shekarar 2025 mai taken “Ci gaba da Sauya Yankunan Karkara Domin Ingantaccen Ci Gaba.”

A cewar bayanan kasafin kudin, an ware kudaden ne don sayen motoci ga shugabannin karamar hukumar domin sauƙaƙa gudanar da ayyukansu na yau da kullum. Bayan haka, kasafin ya nuna cewa an ware Naira miliyan 401 da dubu 100 don ginin ofisoshi, wanda shine mafi girman kaso a kasafin kudin raya kasa na karamar hukumar Soba.

Bayanai Kan Kasafin Kudaden Sayen Motoci:

LG Code: 31812100

Fund’l. Code: 70451

Programme Code: 131001

Fund Code: 03101

Economic Code: 23010105

Kudin: Naira miliyan 205

Abin da za a yi: Siyan motoci ga Shugaban Karamar Hukuma da Mataimakinsa

Idan aka kwatanta da kasafin shekarar 2024, wanda aka ware Naira miliyan 60 don siyan motoci ga shugabannin karamar hukumar, sabon kasafin na 2025 ya nuna ƙaruwa kudi da kashi 241.67%.

Shin Kasafin Kudaden Zai Zama Gaskiya?

A matsayinsa na tsarin kasafin kudi, ba wai dukkan abubuwan da aka lissafa za a aiwatar da su kai tsaye ba. A cewar dokokin gudanar da kasafin kudi, sai idan gwamnati ta samu kudaden da ake bukata, sannan za a aiwatar da tanadin da ke cikin kasafin.

Kasafin kudin shekarar 2025 na Karamar Hukumar Soba ya nuna yadda aka ba da fifiko ga siyan motoci ga manyan jami’an gwamnati, duba da yadda aka yi kasafi kudin siyen magunguna naira miliyan 20, kasafin gina sabin makarantu naira miliyan 76 da kuma kasafin siyan kayen aikin noma na naira miliyan 9 da duba dari.